Tíðindaskriv og kunning

LÍV gott avkast í 2020

18. januar 2021

Hóast korona rakti virðisbrævamarknaðin meint í 2020, so kann LÍV gleðast um, at avkastið hjá kundunum er gott, í mun til onnur eftirlønarfeløg.

Árið byrjaði friðarligt, men tíðindaflutningurin snúði seg einamest um korona restina av 2020. Í mars lækkaðu partabrøvini nógv, tó høvdu búskaparlig tiltøk og hjálparpakkar við sær, at partabrøvini hækkaðu nógv og skjótt í apríl.

LÍV hevur eina skipan, ið er lívslagað, sum merkir, at íløgurnar eru gjørdar við atlit til hvussu stutt er eftir til eftirlønaraldur hjá kundanum. Myndin niðanfyri vísir avkastið hjá kundum við marknaðarrentu, sum høvdu ávikavist 30, 15, 5 og 0 ár til eftirlønaraldur.

Kundar hjá LÍV, sum høvdu ávikavist 15 og 0 ár til eftirlønaraldur høvdu, eitt avkast á 5,2% og 1,7% í 2020.
Støðan í mars var ein onnur, tí tá var talan um eina afturgongd á -8,1% hjá teimum kundum, sum høvdu 15 ár til eftirlønaraldur. Tað kann tykjast ørkymlandi, tí óvissan er stór. Tó hevur LÍV eina íløgusamanseting, sum inniheldur fleiri íløguflokkar við tí endamáli at spjaða váðan.


Seinastu árini hevur LÍV arbeitt miðvíst við at tillaga sína íløgusamanseting við atlit til kundan, og tað hevur havt eina positiva ávirkan á 2020. Hetta arbeiðið heldur fram í 2021.


LÍV fer at skifta kjarnuskipan í 2021. Í tí sambandi fara kundarnir seinni í 2021 at fáa møguleikan sjálvir at velja váðaprofil. Tað hevur verið ein eftirspurningurin frá kundunum, og við nýggju skipanini verður tað møguligt. LÍV fegnast um at kunna ganga hesum ynski frá kundunum á møti.


Eisini verður ein nýggjur kundaportalur mentur í sambandi við nýggju kjarnuskipanina.


28. apríl 2021
Eitt gott avkast í einum avbjóðandi ári
31. mars 2021
INNKALLING - til ársaðalfund í Umboðsráð­num LÍV (Ognarfelagið LÍV
11. mars 2021
Teldupost­skipanin hjá LÍV er óvirkin
18. januar 2021
LÍV gott avkast í 2020
24. desember 2020
Gleðilig jól og gott nýggjár
22. desember 2020
Tanum skal eita Rescue LÍV
17. desember 2020
LÍV brúkar nú Samleikan
20. juli 2020
Skrivstovan er afturlatin
Sí fleiri