Tíðindaskriv og kunning

Partabrøvini eru orsøkin til góða avkastið í 2021

29. januar 2022

Stimbrandi penga- og fíggjarpolitikkur seinastu árini, umframt at í fleiri londum varð latið upp eftir korona, hevði við sær, at partabrøvini hækkaðu nógv í 2021

Gongdin í virðisbrævamarknaðinum í 2021 varð merkt av høga avkastinum á partabrøvum. Hóast nøkur lond høvdu búskaparligar avbjóðingar vegna korona, so hevur strimbrandi penga- og fíggjarpolitikkurin havt við sær, at stórur eftirspurningur hevur verið eftir partabrøvum.

 

Tað merkti tíðindaflutningin seinni helvt av 2021, at kjakast varð um, um inflasjónin var fyribils ella varandi. Ein fyribils inflasjón kundi hava við sær, at prísvøksturin varð avmarkaður á ávísum økjum. Ein varandi inflasjón kundi hava við sær, at allar vørur hækkaðu og eisini fór at síggjast aftur í krøvum frá løntakarum, tí keypiorkan viknar, sum eisini hevur ávirkan á úrslitini hjá fyritøkunum. Seinastu tíðina hevur verið borið fram, at inflasjónin er varandi, millum annað tí amerikanski tjóðbankin hevur sagt, at marknaðurin skal rokna við hækkandi rentum, ið er eitt mótspæl til hækkandi inflasjónina.

 

Tá hugt verður eftir teimum ymsu íløgubólkunum, so táttaði íløguavkastið í partabrøvum í 25% fyri 2021. Hinvegin so hevur lága rentustøðið við sær, at avkastið fyri lánsbrøv var áleið -0,25% fyri 2021. LÍV bjóðar eina lívlagaða marknaðarskipan, har íløgusamansetingin tekur atlit til aldurin hjá kundanum. Ein kundi, sum hevur 15 ár til eftirlønaraldur, fekk í 2021 eitt avkast á áleið 9,7%.

 

Seinasta árið hevur LÍV arbeitt við einum útboði av íløgunum, so finnast kunnu teir bestu røktarar fyri ymsu íløgubólkarnar. Avtalur verða gjørdar í fyrru helvt av 2022. Tá fáa kundar hjá LÍV, ið hava marknaðarrentu, møguleika at velja váðaprofil.

 

LÍV væntar, at omanfyri nevndu átøk fara at gagna viðskiftafólkum okkara, og at tað fer at økja um framtíðar avkastið.


03. mai 2022
Opið er frá 12 mikudagin 4. mai
05. apríl 2022
INNKALLING - til ársaðalfund í Umboðsráð­num LÍV (Ognarfelagið LÍV)
04. mars 2022
Tíðindaskriv - Avkastið er merkt av høgari inflasjón, hægri rentum og innrásini í Ukraina
29. januar 2022
Partabrøv­ini eru orsøkin til góða avkastið í 2021
17. desember 2021
Føroya Handverkara­felag og LÍV hava gjørt nýggja avtalu
02. november 2021
Arbeiðið í Flatnahaga er nú byrjað
02. november 2021
LÍV ger íløgur í grøna orkuskiftið
06. oktober 2021
Erika Egholm 45 ára starvsdag á LÍV
Sí fleiri