Lívstrygging

Við eini lívstrygging tryggjar tú tíni nærmastu um tú brádliga skuldi fari haðani frá. Ein lívstrygging er sostatt ætlað teimum nærmastu at fóta sær fíggjarliga, um tú fellur frá áðrenn fylta 67 ár.

Goldið verður út til næsta avvarðandi, um ikki onnur skrivlig avtala er gjørd við LÍV. 

Útgjaldið er skattafrítt

Tilskilanin ásetur, hvør ið hevur rættin til útgjaldið við deyða. 
Í flestu tryggingaravtalum er ásett, at tryggingarupphæddin í sambandi við deyða verður útgoldin til næsta avvarðandi, uttan so, at onnur skrivlig avtala er gjørd við LÍV. 

Kreditorverja: Verður útgoldið sambært tilskilan er útgjaldið kreditorvart. Hetta merkir, at goldið verður út til navngivnan móttakara, og at kreditorar ikki kunnu gera útlegg í útgjaldinum frá LÍV.

Undantikið er, um tú hevur sett inn búgvið undir tilskilan. Verður útgoldið til búgvið, er peningurin ikki kreditorvardur. 

Restskuldatryggingar: Her er eingin kreditorverja. Útgjaldið fellur til lán í peningastovni og veksur soleiðis um frívirðið av húsunum. Kreditorar kunnu gera krav galdandi mótir búnum, áðrenn hetta verður skift millum arvingar.

Økta frívirðið í húsunum, veksur eisini um arvalutin, sum eftirsitandi maki skal skifta við børn, um hetta ikki er avmarkað við testamenti ella møgleiki er fyri at sita í óskiftum búgvi.

Við deyða rinda arvingar arvaavgjald av upphædd, ið verður útgoldin. Avgjaldið verður ásett eftir, hvussu nær arvingur er skyldur við ognaran. Arvaavgjaldsskipanin er samansett av fýra bólkum.

DØMI: Arvur á kr. 40.000, ið verður útgoldin til sambúgva, rindar 11,5 % í avgjaldi. Arvur, ið verður útgoldin til feløg o.tíl. rindar fast 10 % í arvaavgjaldi.
Nevndu upplýsingar eru vegleiðandi úr “Lov om arveafgift”, ið er galdandi fyri Føroyar.

Neyvari ásetingar fáast við at seta seg í samband við Skiftirættin, ið umsitur arvaavgjøld.

Les lógina her