TRYGGINGARFELAGIÐ LÍV
Arbeiðsgevarar flyta eftirlønargjaldið í samband við A-inntøkur á konto: 9181 - 478.898.4
Eftirlønargjald í samband við B-inntøkur verður goldið inn eftir nærri avtalu við LÍV
Eftirlønargjøld, sum ikki verða flutt sum A-inntøka ella B-inntøka, skulu á kontu: 6460-260.444.4
Øll skulu spara saman til okkara eftirløn, og nú kanst tú velja tað váðastøði, tú vilt hava.
Tú kanst velja ímillum fýra ymisk váðastøði. Tey eru úr lítlum váða upp í stóra váða, og tú kanst altíð broyta váðastøðið uttan kostnað. Útgangsstøðið er, at allir kundar byrja við miðal váða.
Í høvuðsheitum sveiggja tær meiri váðafullu íløgurnar, t.d. partabrøvini, mest í virði, men afturfyri geva partabrøvini størri avkast sum frá líður. Lánsbrøvini sveiggja minni, tí váðin er minni og tryggjar støðufesti í íløgusamansetingini.
Hvørt váðin er stórur ella varin hongur saman við, at peningurin er settur í partabrøv ella lánsbrøv. Blandar tú bæði partabrøv og lánsbrøv, er tað býtið teirra millum, sum er avgerandi fyri váðan.
Set teg í samband við okkum, um tú vilt broyta til annað váðastøði, ella um tú vilt frætta meira um tínar møguleikar. Eisini ber til at velja eitt váðastøði, ið hóskar til tín og send oyðublaðið inn til okkara.
Váðastøði - Oyðublað
Profilurin hevur lutfalsliga stóran part av lánsbrøvum. Profilurin hevur avmarkaðan váða, men væntandi eisini minni avkast. Tá ið 15 ár eru eftir, til pensjónin verður útgoldin, lækkar íløguváðin árliga.
Profilurin liggur millum "Varið" og "Høgt" váðastøði. Væntaða avkastið og váðin eru tí eisini millum teir nevndu profilarnar. Tá ið 15 ár eru eftir, til pensjónin verður útgoldin, minkar íløguváðin árliga.
Profilurin hevur tann størsta partin av partabrøvum og øðrum íløgum. Profilurin hevur eitt stórt væntað avkast, men eisini ein stóran váða. Tá ið 15 ár eru eftir, til pensjónin verður útgoldin, minkar íløguváðin árliga.
Profilurin hevur bara partabrøv og aðrar íløgur. Profilurin hevur tí tað størsta væntaða avkastið, men samsvarandi eisini nógv tann størsta váðan. Váðin minkar ikki, sama hvat ár talan er um til útgjald.
Váðin fer at minka 15 ár áðrenn eftirlønaraldur. Partabrævaparturin minkar árliga fyri at minka um váðan, so hvørt tú nærkast pensjónsaldri, og parturin av lánsbrøvum veksur samsvarandi.
Set teg í samband við okkum, um tú vilt broyta til annað váðastøði, ella um tú vilt frætta meira um tínar møguleikar. Eisini ber til at velja eitt váðastøði, ið hóskar til tín og send oyðublaðið inn til okkara.
Inngjøld eftir 01.01.2014 verða skattað við inngjald og útgjaldið er sostatt skattafrítt.
Pr. 01.01.2019 er eftirlønarskatturin ásettur til 30-40% av inngjaldinum.
Útgoldið verður í tráð við ásetingar í Eftirlønarlógini.
Inngjøld fram til 1. januar 2014 - og rentan av hesum virði - fylgja teimum avtalum um útgjald, sum gjørdar eru frammanundan.
Útgoldið verður í tráð við ásetingarnar í Rentutryggingarlógini.
Inngjøld eftir 01.01.2014: Uppsparda virðið verður útgoldið til næsta avvarðandi, uttan so at onnur skrivlig avtala er gjørd við LÍV.
Inngjøld fram til og við 31.12.2013 verða útgoldin sambært tilskilan.