Føroya Handverkarafelag
Tak niður sum PDF

VÆLKOMIN

Føroya Handverkarafelag bjóðar limum sínum trygging og eftirløn í samstarvi við Tryggingarfelagið LÍV.

Avtalan er galdandi fyri virknar limir og tekur við, tá byrjað verður í starvi.

Innliman er treytað av fullum arbeiðsførleika.

Tryggingin fellur burtur mánaðin eftir, at tú fyllir 67 ár, um tú ikki longur ert virkin limur ella fer úr starvi.

Verður farið úr skipanini innan eftirlønaraldur, kann framhald av tryggingini avtalast við LÍV.

SAMLAGSTRYGGING

Tryggingarparturin er skipaður sum samlagstrygging og gevur rætt til útgjald:

  • við deyða
  • um hjúnafelagi/sambúgvi* doyr
  • við ávísum hættisligum sjúkum
  • ískoyti til hoyritól
  • lokaupphædd

*Sambúgvi: Hava búð saman sum í hjúnarlagi, á sama bústaði, uttan íhald tvey tey seinastu árini.

Tryggingarskeiðið er fram til fylta 67. ár.

Eitt møguligt útgjald er skattafrítt

TILSKILAN

Við deyða innan fylta 67. ár, verður tryggingarupphæddin útgoldin sambært tilskilan.

Útgoldið verður til „næsta avvarðandi“, um ikki onnur skrivlig avtala er gjørd við LÍV.

„Næsti avvarðandi“ er í fyrstu atløgu eftirsitandi hjúnafelagi. Er eingin hjúnafelagi, verður útgoldið til børnini. Eru eingi børn verður útgoldið sambært testamenti/arvalógini.

Ynskist tryggingarupphæddin útgoldin til onnur enn „næsta avvarðandi“ t.d. sambúgva, skal hetta fráboðast LÍV skrivliga.

Skjalið „Broyting av tilskilan“ finnur tú her.

Tryggingar

Við deyða

Útgoldið verður til tann/tey, ið skrásett eru sum tilskilað. Tryggingin er galdandi bæði í arbeiði og frítíð. Útgoldið verður uttan mun til, um deyðin skyldast sjúku ella vanlukku.

Afturat tryggingarupphæddini við deyða verða kr. 40.000,- útgoldnar til hvørt barnið sær undir 18 ár.

Hjúnafelagi/sambúgvi:

Doyr hjúnafelagi/sambúgvi, verður hálv tryggingarupphædd útgoldin.

(Ikki galdandi fyri útgjald til børn.)

Ávísar hættisligar sjúkur

Útgoldið verður, um

  • ella
  • børn undir 18 ár

verða rakt av “ávísari hættisligari sjúku”.

Nærri ásetingar og listin yvir fevndar sjúkur er at finna í tryggingartreytunum.

Ískoyti til hoyritól

Fært tú almennan stuðul til hoyritól, hevur tú eisini rætt til útgjald frá LÍV.

LÍV rindar í mun til almenna stuðulin og veruliga kostnaðin.

Endurgoldið verður upp til            kr. 4.000 fyri hvørt hoyritólið.

Við óarbeiðsføri

Verður arbeiðsorkan skerd við 2/3 ella meira, fellur tryggingargjaldið burtur aftaná 3 mánaða óarbeiðsføri.

Eftir hetta rindar LÍV eftirlønargjaldið, so leingi óarbeiðsførið stendur við, um neyðugt heilt fram til ásetta pensjónsaldurin.

LOKAUPPHÆDD

Eftir neyvari ásetingum hjá Føroya Handverkarafelag verður lokaupphæddin útgoldin í einum, tá tú verður 67 ár.

Møguligt er eisini at søkja um útgjald eftir 60 ára aldur. Tá er upphæddin við 60 ár 1/8 av fullari upphædd, við 61 ár 2/8, við 62 ár 3/8 o.s.fr.

Við deyða
Skattafrí upphædd
Tryggingarupphædd
kr. 600.000
Til børn u/18 ár
kr. 40.000
Hjúnafelagi/sambúgvi
kr. 300.000
Ávísar hættisligar sjúkur
Skattafrí upphædd
Limur
kr. 135.000
Børn u/18 ár
kr. 135.000
Við óarbeiðsføri
-
LÍV rindar eftirlønargjaldið
Full lokaupphædd
Skattafrí upphædd
2021 - kr. 100.000
Innlit

Kundaportalur

Á kundaportali okkara "Mítt LÍV" fært tú innlit í uppsparing, persónligar tryggingar, samlagstrygging, inngjøld og teknisku uppgerðina.

Kundaportalin finnur tú her.

Ritast kann inn við føroyska samleikanum ella við at nýta brúkaranavn, ið er P-talið og eitt loyniorð, sum er sent tær við innliman.

Hevur tú ikki loyniorðið, ert tú vælkomin at seta teg í samband við okkum á LÍV.

 

Lív Pensjón

Uppsparingin verður sett í virðisbrøv og rentað við marknaðarrentu. Stórur dentur er lagdur á, at finna rættað lutfallið millum tryggaru og váðafúsu íløgurnar. Umhugsni, og sera lágur kostnaður av íløgurøkt tryggjar, at peningurin verður umsitin á skynsaman hátt.

Fyri at minka um váðan fram ímóti pensjónsaldrinum, verður váðafúsi íløguparturin støðugt niðurskrivaður seinastu 10 árini.

Við eftirlønaraldur verður uppsparingin útgoldin sum ásett í Eftirlønarlógini.

Býtið millum láns- og partabrøv sæst á myndini niðanfyri.

 

Ráðgeving
Tú ert vælkomin at seta teg í samband við LÍV, ella ein av niðanfyri nevndu ráðgevum:

P/F Tryggingarfelagið LÍV
Kopargøta 1
Postboks 206
110 Tórshavn

Tlf. 31 11 11
liv@liv.fo
www.liv.fo

Skrivstovutíðir:
Mánadag-hósdag: 10.00-16.00
Fríggjadag: 10.00-15.00

Vit nýta kennifílur
Kennifílur verða nýttar til:
Neyðugt virksemi á heimasíðuni
Hagtøl og greiningar
Betra um brúkaraupplivingina
Neyðugar
Neyðugar kennifílur hjálpa okkum at gera grundleggjandi møguleikar á heimasíðuni virknar. Hesar kennifílurnar eru neyðugar, fyri at heimasíðan skal kunna nýtast á ein nøktandi hátt. Hesar kennifílur eru neyðugar og verða tí nýttar uttan samtykki.
Brúkarauppliving
Vit savna inn upplýsingar um tínar stillingar og val á heimasíðuni. Hesar kennifílur gera tað møguligt at vísa tær útgávuna av heimasíðuni, ið er mest viðkomandi til tín. Kennifílurnar geva t.d. møguleika at goyma upplýsingar um, hvat mál tú velur.
Hagtøl
Hagfrøðiligar kennifílur hjálpa okkum at vita, hvussu tú nýtir heimasíðuna. Kunning um atferðina hjá vitjandi hjálpir okkum at gera marknaðargreiningar og at betra síðuna.
Samtykki
Tú fært altíð broytt og tikið burtur samtykkið við at trýsta á tannhjólið niðast til høgru.