Kundatænastan
Spurningar & svar
Nógv er at takað støðu til og ivin kann vera stórur.
Niðanfyri hava vit samla og svarar nøkrum av teimum mest spurdu spurningunum.
Hvat merkir gjaldskái?

Gjaldskái merkir, at rætturin til trygging heldur áfram, hóast inngjaldið steðgar. Gjaldið fyri tryggingarpartin verður mótroknað í uppsparda virðinum á eftirlønini. Fleiri fakfeløg hava í sínum avtalum, at tað sjálvvirkandi verður veittur gjaldsskái í tilsamans 1 ár. Set teg í samband við okkum, um tú ert í iva ella ynskir nærri frágreiðing.

Broytt hjúnastøða

Tú eigur at hugsa um tilskilan soleiðis, at eitt møguligt útgjald við deyða, verður í tráð við tíni ynskir.

Hví er neyðugt við heilsuváttan?

Heilsuváttan verður nýtt fyri at seta øll tey tryggjaðu so javnt sum gjørligt í tryggingarhøpi. Við innliman meta vit um váðan og áseta treytir og gjald í mun til tær upplýsingar, sum standa í heilsuváttanini.

Eftirlønaruppsparing í Danmark

Tað ber til at flyta hesa uppsparing heim til Føroyar. Tað verður í fyrstu at atløgu rinda avgjald til danska statin á 60%, og síðani verða 40% flutt heim til Føroyar. Tá hesin peningur er settur inn aftur á eina eftirlønarskipan í Føroyum, søkir tú - umvegis TAKS - um at fáa danska avgjaldið afturrindað og flutt inn á tína eftirløn. Hevur tú búð og skattað í Føroyum, meðan inngoldið er til donsku skipanina, verður alt avgjaldið endurrindað. Hevur tú búð part av tíðini í Danmark, verður endurrindað lutfalsliga í mun til tíðina, tú hevur búð í Danmark. Vit hjálpa tær fegin at kanna eftir, hvør nágreiniliga støðan er í tínum føri.

Frá vegna pensjónsaldur

Vit seta okkum í samband við teg, tá dagurin nærkast. Tá verður greitt frá, hvussu útgjaldið er skipað, og vit spyrja teg, hvar peningurin skal flytast.

Útgjald vegna deyða

Sorinskrivarin boðar okkum frá í sambandi við øll andlát í Føroyum. Við deyða verður útgoldið til tann, tú hevur tilskilað á tryggingini. Skal upphæddin flytast til búgvið, verður hetta gjørt í samstarvi við Sorinskrivarin.

Útgjald vegna óarbeiðsføri

Tú hevur rætt til hesa veiting, um arbeiðsorkan er skerd við 2/3 ella meira. Útgjaldið byrjar 3 mánaðir eftir, at óarbeiðsførið er staðfest. Tú finnur áheitan um útgjald undir oyðubløð. Tá vit hava móttikið tína áheitan, biðja vit um neyðugar upplýsingar hjá sjúkrahúsverkinum ella tínum lækna, soleiðis at vit kunnu viðgera málið.  

Inngjaldstrygging í samband við óarbeiðsføri

Inngjaldstrygging merkir, at gjaldið fellur burtur um, arbeiðsorkan verður skerd við 2/3 ella meira. Gjaldið fellur burtur 3 mánaðir eftir at óarbeiðsføri er staðfest, og LÍV rindar hetta, so leingi óarbeiðsføri stendur við.
Mesta longdin á hesum tíðarskeiði er í mun til gjørdu tryggingaravtaluna. Tú finnur áheitan um veiting undir oyðubløð. Tá vit hava móttikið tína áheitan, biðja vit um neyðugar upplýsingar hjá sjúkrahúsverkinum ella tínum lækna, soleiðis at vit kunnu viðgera málið.

Kundaportalurin MÍTT LÍV

Brúkaranavnið er títt p-tal. Afturat hesum ritar tú inn við einum loyniorði. 

Hevur tú ikki eitt loyniorð, er tú vælkomin at venda tær til okkara.

Tá tú ritar inn fyrstu ferð, verður tú biðin um at skráseta teldubústað og fáa tær títt egna loyniorð. Eftir hetta fært tú ein teldupost frá okkum, sum váttar nýggja loyniorðið. Telduposturin verður eisini brúktur, um tú gloymir títt loyniorð.

Útgjald vegna hættisliga sjúku

Hesar sjúkuavgerðir (diagnosur) er fevndar av tryggingini. Tú finnur áheitan um hesa veiting undir oyðubløð.  Tá vit hava móttikið tína áheitan, biðja vit um neyðugar upplýsingar hjá sjúkrahúsverkinum ella tínum lækna, soleiðis at vit kunnu viðgera málið.  

Vit nýta kennifílur
Kennifílur verða nýttar til:
Neyðugt virksemi á heimasíðuni
Hagtøl og greiningar
Betra um brúkaraupplivingina
Neyðugar
Neyðugar kennifílur hjálpa okkum at gera grundleggjandi møguleikar á heimasíðuni virknar. Hesar kennifílurnar eru neyðugar, fyri at heimasíðan skal kunna nýtast á ein nøktandi hátt. Hesar kennifílur eru neyðugar og verða tí nýttar uttan samtykki.
Brúkarauppliving
Vit savna inn upplýsingar um tínar stillingar og val á heimasíðuni. Hesar kennifílur gera tað møguligt at vísa tær útgávuna av heimasíðuni, ið er mest viðkomandi til tín. Kennifílurnar geva t.d. møguleika at goyma upplýsingar um, hvat mál tú velur.
Hagtøl
Hagfrøðiligar kennifílur hjálpa okkum at vita, hvussu tú nýtir heimasíðuna. Kunning um atferðina hjá vitjandi hjálpir okkum at gera marknaðargreiningar og at betra síðuna.
Samtykki
Tú fært altíð broytt og tikið burtur samtykkið við at trýsta á tannhjólið niðast til høgru.