Tíðindaskriv og kunning

Tíðindaskriv - Avkastið er merkt av høgari inflasjón, hægri rentum og innrásini í Ukraina

04. mars 2022

Innrásin í Ukraina hevur ávirkað avkastið negativt, men eisini høga inflasjónin, sum viðførir hægri rentur, hevur gjørt, at avkastið higartil í ár er negativt fyri flestu íløgubólkar

Høga inflasjónin hevur verið avbjóðandi í 2022. Fíggjarmarknaðurin væntar hægri rentur,
og tað hevur við sær, at bæði parta- og lánsbrævakursir eru lækkaðir, og tað ávirkar
avkastið negativt.
Russiska innrásin í Ukraina seinastu vikuna ger, at ótryggleikin á fíggjarmarknaðinum
hækkar, og tað er negativt fyri marknaðin. Enn er ov tíðliga at meta um búskaparligu
avleiðingarnar, men so hvørt sum politisku revsitiltøkini verða herd, so kann roknast við,
at tað ávirkar búskapin negativt.


Pensjónsuppsparingin verður støðlað sum ein langtíðaríløga. Tá talan er um eina
langtíðaríløgu, so kann væntast, at tað verða ávís tíðarskeið, har avkastið verður negativt.
Seinastu árini hevur fíggjarmarknaðurin verið gjøgnum eina KT bløðru, fíggjar- og
koronukreppu. Hóast avkastið var negativt hesi tíðarskeiðini, so er marknaðurin
hækkaður aftur.


Í sambandi við vanlukkuligu støðuna hjá ukrainska fólkinum og at revsitiltøk eru sett í
verk, so hevur LÍV tikið avgerð um at selja tær íløgur, sum samtakið hevur gjørt í russisk
virðisbrøv, í tann mun tað er møguligt. Íløgurnar hjá LÍV í russisk virðisbrøv svara til
umleið 0,3% av samlaðu íløguognunum hjá LÍV samtakinum.


LÍV


01. juli 2022
Marknaðarkunning
28. juli 2022
LÍV ynskir tær og tínum eina góða Ólavsøku
22. juli 2022
Summarfrí 2022
03. mai 2022
Opið er frá 12 mikudagin 4. mai
05. apríl 2022
INNKALLING - til ársaðalfund í Umboðsráð­num LÍV (Ognarfelagið LÍV)
04. mars 2022
Tíðindaskriv - Avkastið er merkt av høgari inflasjón, hægri rentum og innrásini í Ukraina
29. januar 2022
Partabrøv­ini eru orsøkin til góða avkastið í 2021
17. desember 2021
Føroya Handverkara­felag og LÍV hava gjørt nýggja avtalu
Sí fleiri