LÍV hevur seinastu fimm árini gjørt munandi íløgur í nútímansgerð av KT-skipanum, kundaportali og optimering av arbeiðsgongdum. Íløgurnar og umleggingarnar hava eydnast væl og hava seinastu árini bøtt munandi um rakstrarkostnaðirnar av felagnum.

Talan hevur verið um eina drúgva tilgongd, men talan er eisini um eina áhaldandi menning av skipanum, kundaportali og optimering av arbeiðsgongdum, sum kundin fær ágóðan av.

Við miðvísum arbeiði hava vit megnað at lækkað umsitingarkostnaðin enn og meir.

Umsitingarkostnaðurin av inngjøldum er nú lækkaður úr 4 prosent niður í 3 prosent og fasti árligi kostnaðurin er lækkaður úr 180 krónum niður í 150 krónur.

Alt gera vit, so tú kanst hugsavna teg um títt LÍV.